اسلام آباد – 30 – سيپٽمبر (اي پي پي) اطلاعات ۽ نشريات واري مملڪتي وزير فرخ حبيب چيو آهي ته هاڻي پاڪستان جن?? ۾ ??ه امن ۾ حصيدار رهندو، پاڪستان آئنده به افغانستان ۾ امن جي قيام لاءِ ڪوششون جاري رکندو، دهشتگردي جي خلاف جنگ ۾ 80 هزار جانين جون قربانيون، 150 ارب ڊالر جو معاشي نقصان ٿيو، دنيا کي ان جو اعتراف ڪرڻو پوندو، گڏيل قومن جي رپورٽ موجب 9 ملين افغان غربت جي هيٺين سطح کان به هيٺ آهن، ان تي دنيا کي ڌيان ڏيڻ جي ضرورت آهي،
هو گلوبل پيس چين جي اهتمام هيٺ ”افغانستان جي نئين سر تعمير تي گول ميز ڪانفرنس“ کي خطاب ڪري رهيو هو. مملڪتي وزير فرخ حبيب چيو ته پاڪستان دنيا جو واحد ملڪ آهي جيڪو 4 ملين کان وڌيڪ افغان پناهگيرين جي ميزباني ڪري رهيو آهي، افغانين جو وڏو تعداد هاڻي به پاڪستان ۾ موجود آهي، جڏهن پاڙيسري ملڪ ۾ باهه لڳل هجي ته چڻنگ توهان جي گهر ۾ به ايندي آه??، پرامن افغانستان ئي پرامن پاڪستان آ??ي، هن چيو ته پاڙيسري ملڪ هجڻ جي ناطي افغان تجارت، علاج سميت هر مشڪل ۾ پاڪستان ڏانهن ڏسندا آهن. هن چيو ته پاڪستان جي هٿياربند فوج، سيڪيورٽي فورسز دهشتگردن، انهن جي فنانسنگ ڪندڙ ۽ انهن جي نيٽ ورڪ کي ٽوڙي امن قائم ڪيو آهي،
هن چيو ته وزيراعظم عمران خان وزيراعظم بڻجڻ کان پهرين به افغانستان مسئلي جي حل جي حوالي سان ڪليئر هو، هن سدائين افغان مسئلي جي سياسي حل ۽ ڳالهين تي زور ڏنو، قطر ۾ طالبان جي سياسي آفيس ٺهڻ کان پوءِ سمورن اسٽيڪ هولڊرن کي گڏجي ويهڻ جو موقعو مليو ۽ معاملن ۾ مثبت اڳڀر??ئي ٿي، ان مشڪل مرحلي ۾ جيڪڏهن دنيا افغانستان کي اڪيلو ڇڏيو ته ان جا منفي نتيجا نڪرندا. مملڪتي وزير فرخ حبيب چيو ته وچ ايشي??ئي رياستن تائين پهچ جو رستو افغانستان مان آ??ي، معاشي ترقي ۽ استحڪام به انهي ۾ آهي، هن چيو ته دوحا ڳالهين ۾ ٿيندڙ 4 ڳالهين تي عمل ضروري آهي، افغانستان جي سرزمين ڪنهن به ملڪ جي خلاف استعمال نه ٿيڻ گهرجي.
افغانستان جي موجوده سياسي نظام ۾ انساني حقن جو خيال رکيو وڃي. هن چيو ته پاڪستان افغانستان مان نڪرڻ ۽ انساني امادد جي افغانستان تائين پهچ ۾ پنهنج?? ڪردار ادا ڪيو، دنيا کي ٻڌ??ئي ڇڏيو ته پاڪستان هڪ ذميدار ۽ امن سان محبت ڪندڙ ملڪ آهي، هن چيو ته افغانستان ۾ طالبان جي حڪومت آهي، دنيا کلي دل سان ان کي تسليم ڪري، اسان جي اها ئي ڪوشش رهي آهي ته افغانستان ۾ سمورين لاڳاپيل ڌرين جي متفقه حڪومت هجي، ته جيئن افغانستان ۾ خانه جنگي نه ٿئي ۽ گذريل 40 سالن کان افغانستان ۾ عدم استحڪام جو خاتمو ٿي سگهي. هن چيو ته وزيراعظم عمران خان گڏيل قومن جي تازي خطاب ۾ به انهي ڳالهه تي زور ڏنو ته دنيا افغانستان کي پنهنج?? ڪري، اتي جي ماڻهن جي مدد ڪري.
